Командантот на руската Црноморска флота се појави денеска, еден ден откако Киев објави дека е убиен

Од:

Командантот на руската Црноморска флота Виктор Соколов се појави денеска, еден ден откако Киев објави дека е убиен во украинскиот напад на Севастопол, на видео од состанокот одржан во руското Министерство за одбрана.

На видеото и фотографиите кои ги објави руското Министерство за одбрана може да се види дека Соколов присуствува на седницата со која претседава ресорниот министер Сергеј Шојгу, пренесува Ројтерс.

Снимката беше прикажана на руската државна телевизија.

Антон Герашченко, советник на украинскиот министер за внатрешни работи, вчера на својот профил на платформата Х објави дека Соколов бил убиен во минатонеделниот украински напад врз Севастопол, заедно со уште 34 руски офицери.

Соколов има чин адмирал и доколку се потврди веста за неговата смрт, тој ќе биде највисокиот руски офицер убиен од почетокот на војната во февруари 2022 година.

Тој е командант на Црноморската флота од август 2022 година, а чинот адмирал го доби во јуни годинава.

Би можело да ве интересира

Ако победи Трамп, финансискиот товар за помош на Украина ќе се промени на штета на ЕУ тврди Орбан

Катерина Ѓуровски

(ВИДЕО) Се шири снимка: „Украинец во цивилна облека истрела крстаречка ракета кон Русите од рамо“

Признаа: „Се обидовме да го убиеме Путин“

(ВИДЕО) Зеленски: Сите ги чекате изборите во САД, Украина не може да чека до нември

Катерина Ѓуровски

ВИДЕО: Хезболах со дрон ги снимал израелските воени бази и го објави видеото

(ВИДЕО) Украинските партизани објавија снимка: Ја саботиравме клучната пруга во Русија