Во Неапол, дојде до колапс во градскиот превоз бидејќи компанијата за јавен превоз нема пари за гориво, па автобусите ова утро останаа во гаражите.
Поради недостаток на гориво, речиси две третини од градските автобуси останаа паркирани поради празните резервоари, па така поголемиот дел од градот беше парализиран.
Медиумите известуваат дека добавувачите одбиле да испорачаат гориво поради долговите. Компанијата соопшти дека причина за овој проблем е програмата на мерките за штедење.
Неапол, популарна туристичка дестинација поради културното наследство, познат е и по мафијата, но исто така и по кризата настаната во врска со транспортот на комуналниот отпад.