Кличко: Колапс на украинската енергетска инфрасктуктура може да се случи во секој момент

Од:

Градоначалникот на Киев, Виталиј Кличко денеска изјави дека колапсот на енергетската инфраструктура на Украина „може да се случи во секоја секунда“.

„Ние не зборуваме за колапс, но тоа може да се случи во секоја секунда, бидејќи секој руски проектил може да ја уништи критичната инфраструктура во Киев, но не само во Киев, туку и во другите градови“, рече тој во интервју за Ројтерс од Светски економски форум во Давос, Швајцарија.

„Во моментов имаме енергетски дефицит од околу 30 отсто во Киев“, додаде тој. Предупредувањето на Кличко дојде во време на зима во која милиони Украинци останаа без пристап до електрична енергија, вода и централно греење поради нападите на Русија врз критичната енергетска инфраструктура.

„Сега е прилично студено во Украина – минус 10, минус 20, понекогаш минус 30 степени во зима. И во овие временски услови речиси е невозможно да се живее без струја и без парно и затоа ситуацијата е критична, се бориме да преживееме“, нагласи Кличко.

Би можело да ве интересира

Русија ги претстави „змејовите“-новите фрлачи на пламен

Предраг Петровиќ

Сиљановска Давкова од Конференцијата за Украина: Потребен е нов Маршалов план

Украинците бегаат во Унгарија

ВИДЕО: Погодени рафинерија и складиште за нафта во Русија

Катерина Ѓуровски

Западот ја премина црвената линија на Путин: Ние ќе ги вооружиме вашите непријатели

Русија и се закани на Франција

Катерина Ѓуровски