Раководството на кинеската Комунистичка партија (ККП) денеска одлучи да ги исклучи од партијата поранешните министри за одбрана Веи Фенге и Ли Шангфу поради сомневање за мито и корупција.
Фенге и Шангфу, кои претходно служеа и како членови на Централната воена комисија (ЦВК) и државни советници, беа дисквалификувани како делегати на 20-от Национален конгрес на ККП, беше објавено на состанокот на Политичкото биро на Централниот комитет на партијата, пренесува China Daily.
Според резултатите од истрагата, двајцата функционери сериозно ја нарушиле политичката и организациската дисциплина, помагајќи им на другите да добијат бенефиции во кадровските аранжмани, а за возврат добивале пари и подароци.
Тие ја искористија својата позиција за да бараат бенефиции за другите, добивајќи огромни суми пари и скапоцености, се вели во извештајот.
Партиското политичко биро исто така одлучи да го предаде предметот на Фенге и Шангфу на обвинителството и да ги гони.
ЦВК претходно донесе одлука да ги избрка Фенгеј и Шангфу од воена служба и да им го одземе чинот генерал.