Кина ја осуди Јапонија поради извештајот за одбраната, нарекувајќи го невистинит и оти погрешно го етикетирала Пекинг како опасност.
Новата јапонска бела книга за одбраната е прва откако минатата година е заострен територијалниот спор со Кина, околу ненаселените острови во Источното Кинеско Море.
– Извештајот намерно ги игнорира фактите и ја претставува Кина како воена опасност, изјави претставник на кинеското Министерство за одбрана Генг Јаншенг.
Документот кој Токио го усвои во вторникот е годишен извештај за јапонските одбранбени способности и регионална безбедност.