Американски претставници дебатираат во моментот на каков начин може да и се помогне најдобро на сириската опозиција во граѓанската војна против владините сили, но допрва треба да се донесат решенија, изјави државниот секретар на САД Џон Кери без да даде детали.
– Одлучни сме да направиме се за да и помогнеме на опозицијата да ја спаси Сирија, изјави Кери на прес конференција со британскиот минстер за надворешни работи Вилијам Хејг.
– Луѓето зборуваат за некакви идни акции за Сирија…но, ние немаме што да објавиме во овој момент, изјави тој. Истовремено нагласи дека „изборот на оружје (од страна на сирискио режим) упатува предизвик за вредностите и стандардите на хуманото однесување“.
– Така како што се одвиваат работите во Сирија, нема да има победник. Народот ќе загуби, Сирија како држава ќе загуби, додаде Кери.
Хејг изјави дека може да побара Велика Британија и други држави да ги засилат напорите за да и се помогне на сириската опозиција, но се воздржа од детали.