Американскиот државен секретар Џон Кери вчера повика да се вложат засилени напори за одмрзнување на четиридецениската политичка пат позиција помеѓу Грција и Турција околу поделбата на Кипар.
-САД ги поддржува и двете зони, федерациите на двата народа. Би сакале ние да го одмрзнеме тој конфликт и да тргнеме кон резолуција- истакна Кери, по средбата со кипарскиот министер за надворешни работи Јоанис Касулидис во Стејт департментот.
Кипар е поделен по инвазијата на Турција од 1974 година, поради што десетици илјади Турци живеат одвоени во северниот дел на островот, додека поголем дел од населението наКипар се Грци, и тој дел е во ЕУ.
Кипарската влада најави можност за преговори со Турција, во обид да се реши четири децениската политичка пат позиција околу поделениот остров.
Елена Георгиевска