Казахстанскиот претседател Нурсултан Назарбаев денеска излезе со иницијатива 15-те најразвени држави од Организацијата за исламска соработка да создадат форум за развој на науката и економијата налик на Г-20.
Назарбаев предлогот го даде на самитот за наука и технологија на ОИС во Атана, јави ТАСС.
– Сметам дека треба да создадеме форум, како Г-20, неофицијална група за развој на науката и економијата во исламскиот свет. Од развиените 15 држави во ОИС може да се создаде организацијата ОИС-15. Развојот на науката и технологијата е мошне важен за нас, изјави Назарбаев.
На самитот на ОИС, кој продолжува и утре претседателот на Азербејџан, Илхам Алиев изјави дека неговата земја испратила хуманитарна помош во храна за бегалците од Мјанмар од сто тони.
Турскиот претседател Реџеп Таип Ердоган изјави денеска во Астана дека и Турција е подготвена да им помогне на бегалците од Мјанмар.