Лидерот на шпанскиот регион Каталонија му пренел на шпанскиот премиер Маријано Рахој дека има намера да продолжи со реализација на референдумот за сецесија во ноември и покрај противењето на централната шпанска Влада.
По двочасовен состанок со Рахој, каталонскиот претседател Артур Мас изјави дека иако нема договор за прашањето за референдум, постои подготвеност на двете страни за продолжување на разговорите.
Мас истакна дека Каталонија сака референдумот планиран за 9 ноември да биде одржан легално и по можност, со одобрување од Мадрид.