Американски суд го осуди Ариел Кастро на доживотен затвор, без право на помилување, поради киднапирање, силување и држење во заложништво на три жени во американската сојузна држава Охајо.
Покрај тоа е осуден на уште 1.000 години за дополнителни злосторства.
Кастро се извини за стореното, потенцирајќи дека не е чудовиште. За себе кажа дека е болен зависник од порнографија, но дека не е насилна личност по природа.
Пред присутните во судницата тврдеше дека имал сексуални односи со трите жени со нивна согласност и дека тие не биле мачени.
Постигнувајќи договор со обвинителството минатата недела, монструмот ја избегна смртната казна за злосторствата што го направил. Тој призна дека е виновен по 937 точки од обвинението.