Капетанот на бродот „Коста Конкордија“, кој во јануари потона крај брегот на Тоскана, Франческо Скетино, поднесе тужба против компанијата сопственик на бродот.
Ризичниот и бесмислен маневар на капетанот е причина за ударот на бродот во крајбрежни карпи на островот Џило и неговото превртување, при што загинаа 32 лица.
Во јули компанијата „Коста Крочере“ го отпушти Скетино, кој во моментот ја очекува судската одлука за oтпочнување кривична постапка против него и уште петмина членови на екипажот и тројца високи службеници на компанијата сопственик на бродот.
Скетино поднесе жалба поради „бесправно отпуштање од работа“ со барање за враќање на работното место и ретроактивна исплата на платите.
„Коста Крочере“ во соопштение за медиумите го потврди отстранувањето од работа на капетанот, кој досега на компанијата и има нанесено штета од 450 милиони евра, без побарувањата за надомест од семејствата на жртвите.