Канадската министерка за одбрана Анита Ананд денеска по разговорот со нејзиниот украински колега Алексеј Резников изјави дека земјата ќе донира воена помош за Украина, која ќе вклучува муниција, опрема за комуникација, зимска облека, оклопни возила и артилерија.
„Денеска се сретнав со мојот пријател Алексеј Резников за да испратам јасна порака: Стоиме со вас“, напиша Ананд во објавата на социјалната мрежа Твитер.
Ананд додаде дека Канада ќе продолжи да ги обучува украинските сили со вештините што им се потребни за борба и победа.