Присуството на руски трупи на украинска територија е „неправедно и неприфатливо“, изјави денеска британскиот премиер Дејвид Камерон.
-Русија, се чини, се обидува да ја натера Украина да се откаже од своите демократски определби, рече Камерон во британскиот Парламент, пренесоа британските медиуми.
Британскиот премиер ја предупреди официјална Москва дека нејзиниот однос со остатокот од светот во иднина ќе биде „радикално поинаков“ доколку Русија продолжи со сегашната политика во Украина.
Додека шефовите на западните сили најавуваат нови санкции кон Русија, сметајќи ја за одговорна за кризата на истокот на Украина, официјален Кремљ потсетува дека Украина и Русија не се во војна, туку судирите на проруските и владините сили на истокот се внатрешно прашање на Украина, кое треба да го реши официјален Киев доколку за тоа има волја.