Британскиот премиер Дејвид Камерон на средбата во Исламабад со пакистанскиот премиер Неваз Шариф најави соработка во борба против тероризмот и за воспоставување на мир во Авганистан.
– Велика Британија и Пакистан треба да ги зголемат напорите за искоренување на екстремизмот и тероризмот, наведе Камерон.
Тој посочи дека „заеднички интерес на Авганистан и на Пакистан е взаемно да ги гарантираат стабилноста и благосостојбата“.
– Мировниот процес треба да ги вклучи сите засегнати страни и да биде раководен од Авганистан, наведе Шариф.
Камерон вчера во Кабул се сретна со претседателот на Авганистан, Хамид Карзаи.