Предлогот за реформирање на односите на Велика Британија со Европската унија е правилен и Европскиот парламент (ЕП) мора да го поддржи, нагласи денеска претседателот на Европската комисија Жан Клод Јункер пред европските претставници во Стразбур.
– Отсекогаш велев дека сакам Британија да остане членка на ЕУ на основа на чесен договор. Решението кое е предложено е праведно за Британија и останатите 27 држави членки, објасни Јункер, пренесува Танјуг.
Како што додаде претседателот на ЕК, предлогот е правилен и за ЕП, и нагласи дека Парламентот мора во целост да ги прифати новите договори.