ОН денеска соопштија дека се неопходни 1,6 милијарди долари, за да биде избегната хуманитарна катастрофа во Јемен, каде коалицијата предводена од Саудиска Арабија нанесува воздушни напади врз борците на движењето хути, во обид да се врати на власт владата во прогонство.
– Над 21 милиони лица или 80 отсто од населението имаат потреба според наши проценки од хуманитарна помош или заштита, вели портпаролот на ОН Јенс Лерке.
Стивен О’Брајан, заменик-генерален секретар на светската организација за хуманитарни прашања, истакна дека во Јемен има катастрофа и многу луѓе тешко успеваат да најдат храна.