Јапонија денеска соопшти дека го прекинува учеството во потрагата по малезискиот авион, што исчезна на почетокот на минатиот месец.
Во операцијата од јапонска страна учествуваат четири виени авиони, кои беа стационирани во западно австралискиот град Перт.
Сега потрагата по авион влегува во нова фаза, во која учествуваат 9 авиони и 12 бродови, соопштија австралиските власти.
Авионот исчезна на 8 март со 239 патници и членови на екипажот. На 24 март малезиската авиокомпанија „Малејжан ерлајнс“ објави дека сите патници на авионот се загинати.