Јапонскиот премиер Шинѕо Абе изјави денеска дека оваа година ќе издаде нова декларација за Втората светска војна, но оти ќе остане на претходното извинување.
– Во изминатите 70 години Јапонија се движеше во правецот на пацифистичките држави и даде голем придонес за мирот, развојот и демократијата во азиско-пацифичкиот регион и светот, рече Абе на денешната прес-конференција, нагласувајќи дека декларацијата ќе биде издадена на 15 август на 70-годишнината од јапонската капитулација.
Премиерот на Јапонија истакна дека ќе се држи до официјалното извинување од 1995 година на тогашниот премиер Томичи Мурајама.
Во текстот усвоен по повод 50-годишнината од капитулацијата на Јапонија се наведува деја „Јапонија, со агресија и колонијална доминација им нанела огромна штета и страдање на народите на голем број, особено азиски земји“.