Јапонската Влада формира специјална комисија која има задача да ги пронајде сопствениците на повеќе од 400 острови во територијалните води на оваа земја и да ги национализира оние кои немаат сопственик.
Медиумите објавија дека во комисијата ќе бидат вклучени претставници од јапонските министерства за правда и за финансии, како и на крајбрежната служба за безбедност на Јапонија.
Целта на проектот е да се пронајдат постоечките сопственици или да се национализираат оние кои се без сопственик и потоа да добијат нови имиња. Повод за ваквиот потег на јапонската Влада се се почестите несогласувања меѓу земјите во регионот околу прашањето за овие пусти острови.
Проектот е планиран да заврши следната година.