Израелскиот министер за одбрана Моше Јалон денеска најави дека израелската воена кампања против Хамас во Појасот Газа ќе се прошири во следните денови.
– Ги продолжуваме нападите со кои се наплаќа висока цена од Хамас. Уништуваме оружје, терористичка инфраструктура, командните и контролните системи, институции, владини згради, куќи на терористи и убиваме терористи, наведе Јалон.
Тој додаде дека „таквата активност ќе продолжи и ќе ескалира“.
– Од наша гледна точка тоа е кампања која нема брзо да заврши и мораме да бидеме трпеливи и цврсти. Цврсто ќе продолжиме со ударите врз Хамас и терористичките органзиации, од воздух, од море и од копно за да осигураме безбедност на граѓаните на Израел, посочи Јалон.