Израелски војник е убиен денеска од палестински снајперист при судири во градот Хеброн на Западниот Брег, соопштија Вооружените сили на Израел.
Судирите избувнале кога локални Палестинци започнала да фрлат со камења кон израелски војници кои ги обезбедувале околу 11.000-те Израелци кои по повод еврејскиот празник Сукот дојдоа во посета на Гробницата на Аврам, што се наоѓа во делот од Хеброн под контрола на Израел.
За време на судирите еден војник, кој го обезбедувал контролниот пункт во близина на Гробницата, бил застрелан во вратот и веднаш пренесен во болница во критична состојба, каде им подлегнал на повредите.
Согласно договорот од 1997 година, Хеброн е поделен на делови под контрола на изралеските и палестинските сили.
Израелската армија воведе полициски час додека го претресува градот, со цел да ги пронајде извршителите на нападот.