Израелската армија (ИДФ) денеска нареди евакуација на граѓаните во јужните и централните области на Газа, кои претходно ги определи како безбедни хуманитарни зони, истакнувајќи дека Хамас ги користел тие области за напади врз Израел.
Жителите на Деир ал Балах, последната област што израелските сили сè уште не влегле од почетокот на војната, изјавија дека нападите се интензивирани и израелски тенкови ја преминале оградата во градот, пренесува Ројтерс.
Израел соопшти дека известувањата за евакуација биле испратени во источниот дел на Деир ал Балах и друга област северно од градот Кан Јунис, каде што десетици илјади луѓе побарале засолниште.