Израел врши притисок врз земјите-членки на Меѓународниот кривичен суд да прекинат да го финансираат трибуналот во Хаг во одговор на одлуката да почне прелиминарна истрага за евентуални воени злосторства, извршени на палестински територии.
– Ги повикуваме нашите пријатели во Канада, Австралија и Германија да прекинат да го финансираат судот, изјави денеска израелскиот министер за надворешни работи Авигдор Либерман.
– МКС не претставува никого, тоа е една политичка институција, рече Либерман.
Во петокот МКС почна прелиминарна истрага за евентуални воени злосторства на палестинските територии, прва етапа од една процедура, која може да заврши со обвинување на Израелци или Палестинци.