Новиот израелски систем за противракетна одбрана успешно пресретна гранати, ракети и противтенковски проектили за време на неодамнешните тестови во пустината Негев, изјави денеска израелскиот министер за одбрана Бени Ганц.
Тој најави дека ласерскиот систем од израелско производство, кој ќе надополни голем број системи за противвоздушна одбрана како скапата „Железна купола“ распоредена во Израел, ќе профункционира што е можно поскоро.
– Целта е да се распоредат ласерски системи долж границите на Израел во текот на следната деценија, кои ќе бидат дел од ефикасен, евтин и иновативен „заштитен чадор“, рече Ганц.
Израелскиот премиер Нафтали Бенет во февруари најави дека Израел ќе почне да го користи тој систем за една година.
Извор: МИА