Израел подготвува план за Палестинците да ја напуштат Газа: „Нека ги примат Ирците и Канаѓаните“

Од:

Министерот за одбрана на Израел и нареди на војската да подготви план со кој ќе им се овозможи на жителите на Газа „доброволно да си заминат“, објавија израелските медиуми, откако американскиот претседател Доналд Трамп привлече меѓународна осуда за неговиот план да го преземе Појасот Газа.

Директивата уследи по шокантната најава на Трамп дека САД планираат да ја заземат Газа, да ги преселат Палестинците и да ја трансформираат територијата во „Ривиера на Блискиот Исток“.

„Го поздравувам смелиот план на претседателот Трамп, на жителите на Газа треба да им се даде слобода да заминат и да емигрираат, што е нормално во целиот свет“, рече израелскиот министер за одбрана Израел Кац.

На прашањето кој ќе ги прими Палестинците, Кац рече дека тоа треба да бидат земји кои се противат на израелските воени операции во Газа.

„Земјите како Шпанија, Ирска, Норвешка и други, кои изнесоа обвинувања и лажни тврдења против Израел за неговите акции во Газа, се законски обврзани да дозволат секој жител на Газа да влезе на нивната територија“, рече Кац.

„Ако одбијат да го сторат тоа, нивното лицемерие ќе биде разоткриено. Има земји како Канада, која има структурирана програма за имиграција, кои претходно изразија подготвеност да ги прифатат жителите на Газа“, рече израелскиот министер.

Би можело да ве интересира

Аксиос: Демократите го повикуваат Трамп да се спротивстави на израелската анексија на Западниот Брег

Хамас не знае каде се петте мртви заложници

Либан: Во израелски воздушен напад загинаа четири лица

Ројтерс: САД разгледуваат предлог за испорака на помош во Газа како замена за GHF

Венс: Израел нема да го анектира Западен Брег

Нетанјаху најавува „нова визија“ за Газа

Горан Наумовски