Израел синоќа најави дека планира да се кандидира за непостојана земја-членка на Советот за безбедност на Обединетите нации во периодот од 2019 до 2020 година.
Кандидатуратра ја најави израелскиот амбасадор во ОН, Рон Просор, но дипломатите од ОН посочуваат дека Израел нема лесно да стане непостојана земја-членка на СБ.
За една држава да стане непостојана членка на СБ на ОН мора да освои двотретинско мнозинство од гласовите во Генералното собрание на ОН, кое брои 193 земји-членки.
Израел повремено имаше функција на потпретседател на Генералното собрание, но никогаш не беше член на СБ.