Владата на Израел добила список на заложници кои ги држел Хамас во Газа, а кои се очекува да бидат ослободени денеска според продолжениот договор за прекин на огнот со милитантната група, објави Израелското воено радио.
Новинската веб-страница Аксиос објави дека списокот содржел 10 заложници. Пред веста, Кабинетот на израелскиот премиер објави дека Израел одобрил вклучување на 50 палестински затвореници на списокот на оние кои се планирани за ослободување доколку бидат ослободени дополнителни израелски заложници од Газа.
Четиридневниот прекин на огнот меѓу Израел и Хамас, склучен како дел од договорот кој стапи на сила во петокот, ќе биде продолжен за два дена, објавија вчера Катар и Хамас, што ќе овозможи ново ослободување на заложниците од Појасот Газа и Палестински затвореници од израелските затвори.