Шефот на воено-административната администрација на Запорожје, Иван Федоров, денес на својот Телеграм канал објави дека бројот на повредени во рускиот напад врз Запорожје се зголемил на 15.
„До 19:00 часот, бројот на повредени лица во рускиот напад се зголемил на 15. Меѓу нив има осум жени, шест мажи и едно бебе. На сите им е укажана потребната помош“, се наведува во соопштението на Федоров, пренесува Укринформ.
Тој додаде дека во рускиот напад се оштетени станбени згради и автомобили што им припаѓаат на граѓаните на Запорожје.