Шестмина италијански сеизмолози, обвинети дека ги потцениле ризиците на разорниот земјотрес во реонот на италијанскиот град Аквила во 2009 година, беа осудени на по шест години затвор за „убиство без предумисла“.
На крајот на септември судот побара по четири години затвор за седум членa на Комисијата за оценка на ризиците од катастрофи и несреќи – шестмина сеизмолози и помошник-директорот на Цивилната заштита Бернардо де Бернардинис.
Одбраната на обвинетите побара тие да бидат ослободени со аргументот дека ниту еден научник не би можел да предвиди земјотрес.
Во земјотресот од 6 април 2009 година 300 лица загинаа, градот беше опустошен и 10.000 лица останаа без покрив на главата.
Комисијата за процена на ризиците од катастрофи се собра во Аквила шест дена пред земјотресот без да одлучи дали да се преземаат мерки на претпазливост.