Резултатите на Институтот за истражување на атмосферското загадување во Италија покажаа присуство на марихуана и кокаин во воздухот во осум италијански градови.
Тоа се Болоња, Фиренца, Милано, Наполи, Палермо, Рим, Торино и Верона. Најголема концетрација има во Торино, а најмала во Палермо.
Покрај ова се мереше и содржината на други супстанци, како никотинот и кофеинот.
Откриени се минимални количини – околу 0,26 нанограми кокаин по кубен метар во Торино – но тоа ни одблиску не е доволно за да влијае на психата на жителите. За споредба, просечното зрно сол е тешко 80.000 нанограми.
Меѓутоа, авторите на истражувањето велат дека нивната работа фрла светло на трендовите на употреба на наркотиците. Тоа би значело дека во Торино е развиена трговијата со кокаин, додека универзитетските градови, како Фиренца и Болоња, во воздухот имаат честици од марихуана.