Исламистичка групација во Појасот Газа истрела три ракети кон јужниот израелски град Димона, каде е поставен нуклеарен реактор, при што нема човечки жртви, ниту е причинета материјална штета, соопшти израелската армија.
Една од ракетите е пресретната од израелскиот систем за противракетна одбрана „Железна купола“, а другите две паднале на отворен простор, изјави портпаролот на армијата.
Членовите на военото крило на Хамас, „Бригадите Изедин ал Касам“ изјавија дека истрелале ракети М-75 со голем дострел.
Израелската армија додаде дека и други зони во пустината Негев во јужен Израел исто така биле цел на напад.