Мнозинството Германци од источниот дел ги сметаат своите западни сонародници за арогантни и материјалисти, покажува истражување, што ги открива разликите во менталитетот меѓу Источна и Западна Германија.
По 22 години од обединувањето на Германија, означено со падот на Берлинскиот ѕид, истражувањето на институтот Аленсбах, покажува дека Германците од источниот дел имаат силна негативна претстава за западно-Германците, јави БТА.
Околу 71 процент Германци од источниот дел ги сметаат своите сонародници за арогантни, 57 отсто мислат дека тие се материјалисти, а 45 проценти ги сметаат за површни.
Анкетата покажува дека повеќе од две децении по обединувањето на земјата на 3-ти октомври 1990 година зачувани се силни чувства на различност меѓу истично и западно-Германци.
Истражувањето, спроведено на барање на источногермански универзитети, покажува дека 69 отсто од анкетираните источно-Германци се сметаат за скромни, 63 проценти како резервирани и 58 како досетливи. Додека околу 51 процент од Германците од западниот дел своите сонародници ги сметаат за незадоволни, 42 отсто за недоверливи и само 12 проценти за арогантни.
Досега за реконструкција на Источна Германија се потрошени речиси два трилиони евра.