Лидерите на девет држави од Балтикот, Централна и Источна Европа денеска преку заедничка декларација изразија „длабока загриженост поради агресивното однесување на Русија“ и го поддржаа присуството на НАТО во регионот.
– Ќе инсистираме на потребата Русија повторно да почне да го почитува меѓународното право, како и меѓународните обврски, одговорности и ангажмани, како предуслов за развивање доверба меѓу НАТО и Русија, се наведува во заедничката декларација од Букурешт.
Во текстот се нагласува дека лидерите ќе се приклучат кон напорите за обезбедување на „солидно, ефикасно и цврсто“ сојузничко воено присуство во регионот и поинтензивно ќе ја поддржат соработката меѓу НАТО и ЕУ.