Рокот за екстрадиција на Џулијан Асанж на шведските власти по обвинението за силување и сексуален напад, истече во саботата.
Асанж се наоѓа во еквадорската амбасада во Лондон од 19-ти јуни, кога побара политички азил од Еквадор, чии власти се уште ја разгледуваат неговата молба, пренесува CNN.
Вишиот суд во Велика Британија, го отфрли барањето повторно да се разгледа неговата жалба на одлуката за испорака на Шведска.
Портпаролката на обвинителството потврди дека саботата требаше да биде последен ден кога се очекува екстрадицијата на основачот на Викиликс.
Британската полиција, според меѓународниот протокол, не може да влезе во амбасадата на Еквадор.
Асанж верува дека по екстрадицијата на Шведска, ќе им биде предаден на властите на САД, каде може да се соочи со освета на Стејт Департментот, поради објавување на 250.000 доверливи дипломатски документи.