Најмалку 14 бродови на турската воена морнарица и натаму се наоѓаат на море и со нив не може да се воспостави контакт, а турската власт стравува дека би можело да се испостави дека нивните команданти се пучисти кои сакаат да избегаат во други земји.
Извор од турската влада потврди дека власта не може да стапи во контакт во командантот на турската морнарица, адмиралот Вејсел Коселе. Не е понато дали тој е еден од организаторите на обидот за воен пуч или пучистите го држат како заложник. Освен бродовите, турската телевизија Си Ен ЕН Турк уште во неделата објави дека најмалку 42 хеликоптери на турската армија се исчезнати пред или по неуспешниот обид за пуч во земјата.