Главниот ирански нуклеарен локалитет за тестирање во Натанц беше погоден вчера за време на воените операции на САД и Израел против Исламската Република, изјави денес амбасадорот на Иран во нуклеарното надзорно тело на ОН.
„Вчера повторно ги нападнаа мирните, безбедни нуклеарни објекти на Иран“, изјави Реза Наџафи пред новинарите на состанокот на одборот на гувернери на Меѓународната агенција за атомска енергија (МААЕ), составена од 35 земји.
На прашањето од Ројтерс кои објекти беа погодени, тој одговори: „Натанц“.