Иранската влада соопшти дека најмалку 1.060 луѓе се убиени во војната со Израел, предупредувајќи дека бројот на жртви може да се зголеми на 1.100 поради големиот број тешко повредени.
Бројките ги даде Саид Охади, раководител на Фондацијата за прашања на мачениците и ветераните на Иран, во интервју емитувано на државната телевизија синоќа, објави АП.
Независната организација „Активисти за човекови права“ со седиште во Вашингтон соопшти дека во нападите загинале 1.190 луѓе, вклучувајќи 436 цивили и 435 припадници на безбедносните сили, додека 4.475 луѓе биле ранети.