Најмалку 250 загинати, а повеќе од 2.000 лица се повредени во двата последователни земјотреси кои вчера го погодија северозападниот дел на Иран.
„Бројот на загинати достигна 250, додека бројот на повредени е над 2.000 лица“, изјави шефот на регионалниот центар за природни катастрофи, Халил Саје.
Епицентарот на првиот земјотрес со јачина од 6, 4 степени по Рихтер е на 60 километри североисточно од градот со 1,5 милиони жители, Табриз.
Единаесет минути подоцна следуваше уште еден земјотрес со јачина од 6, 3 степени по Рихтер во близина на градот Варзган.