Врховниот суд на Индија денеска им препорача на властите да ги затворат деловните канцеларии во главниот град и околните градови, дозволувајќи им на милиони луѓе да работат од дома, во момент кога власта бара начини да го намали опасното загадување на воздухот кое доведе до затворање на училиштата.
Ова се случува откако градските власти во Њу Делхи, кој се бори со токсичниот смог од почетокот на ноември, презедоа вонредни мерки во саботата, наложувајќи затворање на училиштата и четири дневен прекин на градежните работи.
Судот, исто така, побара итни мерки за ограничување на пожарите во државите Харјана, Пенџаб и Утар Прадеш, кои предизвикаа стотици илјади земјоделци да ги расчистат полињата за новата сезона на сеидба.
– Сакаме акција по ова прашање, изјави судијата Сурија Кант.
Напорите на Индија да го намали согорувањето на растителниот отпад, главен извор на загадувањето на воздухот. во текот на зимата, имаа мал ефект, и покрај тоа што земјата потроши милијарди рупии во изминатите четири години.