Додека болниците во Индија се борат да обезбедат потребни количества на медицински кислород, судот во Њу Делхи најави казни за одговорните лица кои нема да успеат навремено да обезбедат кислород за пациентите.
Во изминатите 24 часа продолжува низата од негативни регорди во Индија со 391.488 новоинфицирани со коронавирус, речиси 90.000 повеќе од вчера. Починале уште 3.689 пациенти, со што бројот на смртни случаи во земјата достигна 215.542 од почетокот на пандемијата.
Владата користи копнени, воздушни и поморски врски настојувајќи да обезбеди доволно количество на медицински кислород за најзагрозените болници, кои не успеваат да се изборат со огромниот притисок поради зголемениот број на пациенти, на кои им е потребна хоспитализација.
Управите на неколку болници се најдоа под судска истрага поради недостиг на кислород и пропустот навремено да се обезбедат потребни количества.
– Ова ги надмина сите мерки. Сега е доста, се наведува во соопштението на Вишиот суд во Њу Делхи, потврдувајќи дека ќе почнат да се казнуваат сите кои се одговорни за доцнењето на испораките на медицински кислород.