Две лица загинаа во украински воздушен напад во Ростов на Дон, објави утрово гувернерот на Ростовската област Јуриј Сљусар.
– Украинскиот воздушен напад имаше трагични последици. Брачен пар загинаа во Ростов на Дон. Пет лица се повредени, од кои две се во тешка состојба, вклучувајќи и тинејџер, напиша гувернерот Сљусар на платформата Макс, објави РИА Новости.
На ранетите им е укажана медицинска помош, а според гувернерот, медицинскиот персонал презема сите потребни мерки.
Тој изрази сочувство до семејствата и пријателите на починатите, како и поддршка и сочувство до повредените, ветувајќи дека ќе ја добијат целата потребна помош.
Како одговор на нападите на украинските вооружени сили, руските трупи напаѓаат воени објекти и претпријатија од украинскиот воено-индустриски комплекс со високопрецизно воздушно, поморско и копнено оружје, како и беспилотни летала.