Илјадници лица во Мадрид, Барселона и други шпански градови излегоа на протести против економските мерки на Владата. Водечките синдикати и други организации свикаа протести во 55 градови во земјата.
Демонстрантите изразија незадоволство од намалувањето на пензиите, скратувањето на помошта за невработените, намалувањето на трошоците за образованието и здравството и другите економски мерки.
Шпанскиот премиер Мариано Рахој ја заштити политиката на Владата, нагласувајќи дека во економијата веќе се видливи позитивни знаци како зголемување на извозот и на приходите од туризмот.
– Нема лесни одговори за тешки ситуации, ние правиме такви обиди, бидејќи наша должност е да ја подобриме оваа ситуација, рече Рахој, чија Влада се бори да го намали буџетскиот дефицит и да ја извади земјата од рецесија.
Тој изрази надеж дека следната година ќе дојде до подобрување на економската состојба во земјата.