Иран „го користи конфликтот во Газа како покритие“ за да егзекутира вкупно 127 лица, вклучувајќи жени и деца, соопштија денеска групите за човекови права, предупредувајќи на алармантно зголемување на бројот на затвореници во Иран од избувнувањето на конфликтот меѓу Израел и Хамас на 7 октомври.
Според податоците собрани од Иранската организација за човекови права (IHR) од Осло и норвешката организација Хенгав, има алармантно зголемување на бројот на егзекуции од почетокот на војната меѓу Израел и Хамас, пренесува лондонски Гардијан.
Третата група, активисти за човекови права во Иран (ХРА), исто така потврди дека има значително зголемување на бројот на егзекуции по нападот на 7 октомври, велејќи дека минатата среда иранскиот режим егзекутирал седум лица за само 24 часа.
„Од почетокот на војната, има мало меѓународно внимание на ситуацијата со човековите права во Иран и нема одговор на значителното зголемување на егзекуциите“, рече Махмуд Амири-Могадам, директор на IHR.