Израелските одбранбени сили (ИДФ) издадоа нови предупредувања за евакуација на Палестинците од областа Кан Јунис во јужниот дел на Појасот Газа и дополнително ги прилагодија границите на хуманитарната зона одредена од Израел, исклучувајќи ја населбата Ал Џала од зоната поради истрелувањето ракети од таа населба кон Израел.
ИДФ објави дека има намера да дејствува против Хамас во населбата Ал-Џала поради големиот број напади од тој кварт врз Израел и дека поради тоа, престојот во таа област стана опасен за палестинските цивили, пренесува The Times of Israel.