Повеќе десетина илјади активисти на најголемиот италијански синдикат ЦГИЛ мирно протестираа во центарот на Рим под слоганот „Работа пред се“.
Тие најавија дека повторно ќе излезат на улиците на 14-ти ноември, заедно со најголемите европски синдикати.
„Не требаше да се создаде влада од стручни лица, ако е ова резултатот“, рече генералната секретарка на ЦГИЛ, Сузана Камусо.
Таа рече дека планот за штедење на владата на Марио Монти е главниот виновник за проблемите со кои во моментот се соочува Италија и додаде дека победи политиката која ја води земјата кон се поголема сиромаштија.
„Ќе излеземе повторно на улиците на 14-ти ноември со сите европски синдикати“, рече Камусо и додаде – Нема да се откажеме, треба да се промени оваа земја“.