Портпаролот на јеменските Хути, Јахја Сара, се огласи за израелско-американскиот конфликт со Иран и испрати порака до иранскиот народ и раководството дека не смеат да се согласат со условите што ги нуди Вашингтон. Сара нагласи дека е важно Иран да остане обединет.
– Сфатете ја важноста на вашето единство и интегритет. Вашите непријатели се обединети во нивното непријателство кон Иран. Соочете се со американските барања и не ја губете вашата слобода и независност поради ционистичкиот режим. Ќе ја уништите славата на Америка, рече Сара.
Како што нагласи, ветувањата на непријателите се само илузија.
– Тие не размислуваат за ништо друго освен за уништување на Иран. Единствениот начин да ги победиме е да продолжиме со џихадот, отпорот и конфликтот со трпение и упорност на патот Божји, рече портпаролот на јеменското движење.
Тој имаше и порака за младите во Иран. Јахја Саре истакна дека еден од клучните фактори за победата на иранската нација, од победата на Исламската револуција до денес, е посветеноста на народот на верното, храбро и мудро раководство.
– И препорачувам на иранската младина да ја прочитаат историјата на Иран. Истражете сè што се случило пред револуцијата и настаните по револуцијата, како и сите нејзини успеси на сите полиња, и знајте дека ветувањата дадени од непријателот се само илузија и измама. Во текот на сите овие четириесет и пет години, тие не мислеле на ништо друго освен на непријателство и на уништување“, рече Сара.