Холандски експерти за судска медицина идентификуваа вкупно 127 жртви од несреќата на авионот на „Малезија ерлајнс“ во источна Украина и објавија 20 нови имиња на загинатите, јави холандската телевизија НОС.
Меѓу 20-те нови идентификувани жртви има 15 Холанѓани. Националноста на останатите не е објавена.
Потрагата во останките на жртвите на местото на несреќата беше прекината минатата недела поради вооружените судири меѓу украинските сили и проруските сепаратисти.
Холандската Влада изрази надеж дека истрагата ќе продолжи и екипите ќе можра да се вратат на терен по смирување на ситуацијата.