Хамас официјално го извести Египет дека го отфрлува предлогот на земјата за прекин на огнот во Појасот Газа, рече портпаролот на исламистичката организација Сами Абу Зухри.
– Исходот од дискусиите на внатрешните институции на движењето е да се одбие предлогот и затоа Хамас го информираше Египет изминатата ноќ за да се извини што не го прифатил, рече Абу Зухри.
Военото крило на Хамас уште во вторникот го отфрли египетскиот план, а Израел, кој накусо ја запре офанзивата, ги обнови нападите бидејќи прекуграничното ракетирање од палестинска територија не е ниту прекинувано.