Хамас го отфрли последниот предлог за решавање на прашањето за заложниците за кој се разговараше во Доха изминатиот викенд и го обвини израелскиот премиер Бенјамин Нетанјаху за поставување нови пречки во разговорите.
Палестинската милитантна група во соопштение рече дека Нетанјаху „поставува нови услови и барања“ за да ги спречи преговорите и да ја продолжи војната во Газа.
Во соопштението се вели дека последниот предлог поддржан од САД е усогласен со барањата на Израел и укажува на инсистирање ИД да остане во коридорот Филаделфија, преминот Рафа меѓу Појасот Газа и Египет и коридорот Нецарим.
Хамас го обвинува Нетанјаху и за воведувањето нови услови околу ослободувањето на затворениците.
„Ние го сметаме Нетанјаху целосно одговорен за спречувањето на напорите на посредниците и попречувањето на договорот“, рече Хамас, додавајќи дека израелскиот премиер е одговорен за животите на заложниците.