Моќен кибер напад е извршен врз компанија, која ги попречува спам пораките да влегуваат во е-мејл адресите на корисниците насекаде во светот.
Компанијата Спамхаус истакна дека од средината на овој месец е цел на напади, најверојатно од страна на фирми, разгневени поради тоа што се вклучени на нејзината црна листа.
Како последица на нападот загубен е пристапот до интернет страницата на сајтот. Таков напад се добива кога еден од серверите е преплавен со соопштенија, како на пример кога стотици писма наеднаш ќе бидат пуштени низ отворот на едно поштенско сандаче.
Брзината на нападот е 300 милијарди бити во секунда, според компанијата КлаудФлер, со седиште во Сан Франциско, која и помага на Спамхаус да се справи со кибернападот.